چُسکے لے کے چا پیندا واں

[Tariq Iqbal Haavi]

سنگت بہہ کے چا پیندا واں
چُسکے لے کے چا پیندا واں
****
اُٹھدا بہندا، چلدا پِھردا
میں رہ رہ کے چا پیندا واں
****
مُشک تیری میرے سینے اُترے
جُوٹھی لے کے چا پیندا واں
****
دارُو ورگا کم جے کر دی
غم وچ ڈیہہ کے چا پیندا واں
****
وچ پردیسے یاد یاراں دی
دوری سہہ کے چا پیندا واں
****
اگلی وار اوہ نال پیوے گی
دل نوں کہہ کے چا پیندا واں
****
غزل جدوں کوئی لکھنی ہووے
کلھیاں بہہ کے چا پیندا واں
****
(طارق اقبال حاوی)
​